ನನ್ನೊಳಗೆ ನಾನಿರಲು ನೀ ದೂರವೇ
ನಿನ್ನ ಪ್ರೀತಿಯೆಲ್ಲಾ ಬರಿ ಮಾಯೆಯೇ,
ಬರಿದಾಯ್ತು ಮನಸೂ ನೀನಿಲ್ಲದೆ
ತುಂಬೋಯ್ತು ಮನಸಲ್ಲಿ ಬರಿ ಕತ್ತಲೆ.
ಪ್ರೀತಿಗೂ ಜಾಗ ಇಲ್ಲಿ ಎಲ್ಲಿದೆ
ಕನಸೀಗು ಇನ್ನು ನಂಟೆಲ್ಲಿದೆ,
ಸ್ನೇಹಕ್ಕೂ ಮನಸೀಗ ಬರಿ ಬೆತ್ತಲೆ
ನನ್ನೊಳಗೆ ನಾನಿರಲು ಬರಿ ಕತ್ತಲೆ.
ಮನಸಿಲ್ಲಿ ಬರಡು ಕನಸಿಲ್ಲದೆ
ಕನಸಿಲ್ಲಿ ಕರಗೋಯ್ತು ಭಾವವಿಲ್ಲದೆ,
ಬಲಿಯಾದೆ ನೀನು ನನ್ನಿಂದಲೇ
ಬಾಡೋಯ್ತು ಮನಸು ನನ್ನಿಂದಲೇ.
ನಾನೇಕೆ ನಾನಾದೆ ನಿಜವರಿಯದೇ
ಮನಸೊಳಗೆ ಸುಡುವಾಗ್ನಿ ನಾ ತುಂಬಿದೆ,
ಪ್ರೀತಿಯು ಇಲ್ಲಿ ಮಳೆ ಸುರಿವುದೇ
ಸ್ನೇಹದಾ ನದಿಯಿಲ್ಲಿ ತುಂಬಿ ಹರಿವುದೇ.
ಬದುಕಿಲ್ಲಿ ವಿಷವೂ ನನ್ನಿಂದಲೇ
ಭರವಸೆಯ ಕಿರಣ ತಾ ಅರಳದೇ,
ಬಂಧಗಳೇ ಕರಗಿದವು ಈ ಬೆಂಕಿಗೆ
ಉಸಿರಿಲ್ಲಿ ಕೊನೆಯೂ ಅಹಂಕಾರಕೆ.
