ಪ್ರೀತಿಯಾ ಹಂದರ ಈ ಸ್ನೇಹ
ಪ್ರೀತಿಗೆ ಚಂದಿರಾ ಇದು ಸ್ನೇಹಾ,
ಒಲುಮೆಯಾ ಕುಸುಮವೂ ಈ ಸ್ನೇಹ
ಅರಳುವಾ ಸುಮವದು ಈ ಸ್ನೇಹ...
ನಗುವಿನಾ ಭಾಷೆಯೂ ಈ ಸ್ನೇಹ
ಬದುಕಿನಾ ಭಾಷ್ಯವೂ ಇದು ಸ್ನೇಹಾ,
ನೋವಿಗೆ ಹೆಗಲಿದು ಈ ಸ್ನೇಹ
ಕಣ್ಣೀರನು ಒರೆಸುವಾ ಕೈ ಅದು ಸ್ನೇಹ...
ಆಸೆಗೆ ಮುಗಿಲಿದು ಈ ಸ್ನೇಹ
ಎಂದೂ ಮುಗಿಯದಾ ಆಕಾಶ,
ನೆನಪಿನಾ ಬುತ್ತಿಯೂ ಬರೀ ಸ್ನೇಹ
ಹಸಿವನು ಇಂಗಿಸೋ ಕೈ ತುತ್ತು ಇದು ಸ್ನೇಹ...
ಹಾರೋ ಹಕ್ಕಿಯು ಈ ಸ್ನೇಹ
ಮನಸಿಗೆ ರೆಕ್ಕೆಯೂ ಇದು ಸ್ನೇಹ,
ಉಸಿರಿನಾ ಹೆಸರಿದು ಈ ಸ್ನೇಹ
ಜೀವದಾ ಸೊಗಡಿದು ಇದು ಸ್ನೇಹ...
ಓಡುವಾ ಕಾಲದ ಜೊತೆಗಾರ
ನೆರಳಂತೆ ಹರಸುವಾ ಮಹರಾಯ,
ಕನಸುಗಳ ಮೂಟೆಯೂ ಈ ಸ್ನೇಹ
ಜಗವನ್ನೇ ಜಯಿಸುವಾ ಮಹಾವೀರ...
