ಓ ಮಲ್ಲಿಗೆ...

ಅರಳು ಓ ಮಲ್ಲಿಗೆ ನೀನಿಲ್ಲಿ ಮೆಲ್ಲಗೆ
ಈ ನನ್ನ ಹೃದಯ ತೋಟದಿ,
ಪಸರಿಸು ನೀನಿಲ್ಲಿ ಪ್ರೀತಿಯ ಸುಗಂಧ
ಬದುಕು ಖಾಲಿಯೆನಿಸುವ ಮುನ್ನ...

ಬಾಡಿ ಹೋದರೂ ದಿನ ಮುಗಿದಾಗ
ಮೊಗ್ಗಾಗಿ ಮತ್ತೆ ಬಾ ನಾಳೆಗಳಲಿ,
ಪ್ರೀತಿಯೇ ನೀನು ಜೊತೆಗೆ ಇರುವವರೆಗೂ
ಬದುಕು ಸುಂದರ ತೋಟವಾಗಿರಲಿ...

ಅರಳು ನೀನಿಲ್ಲಿ ಮನದಂಗಳದಿ ನಗುವಾಗಿ
ಮರೆಸಿ ಬಿಡು ನೀನಿಲ್ಲಿ ನೂರು ಚಿಂತೆ,
ಮನದ ಮಲ್ಲಿಗೆ ನೀನು ಮಗುವಾಗು
ನೂರು ಕನಸಿಗೆ ನೀನಿಲ್ಲಿ ವರವಾಗು...

ಉರಿದು ಹೋಗದಿರು ಬದುಕ ತಾಪಕೆ
ಉದುರಿ ಹೋಗದಿರು ಇಲ್ಲಿ ಬದುಕ ಓಟಕೆ,
ಸೂರ್ಯ ಮುಳುಗಿದ ಮೇಲೆ ಚಂದ್ರ ಬರುವ
ಬದುಕ ತಾಪಕೆ ತುಸು ತಂಪನೆರೆವಾ...