ಆಸೆಯ ಚಿಗುರೊಂದು ಹುಟ್ಟಿ,
ಮನಸು ನಗಲು ಹರುಷದಲಿ
ಬದುಕೇ ಬೃಂದಾವನ ಜಗದೊಳಗೆ...
ಕಾಣದಾ ನಾಳೆಗಳ ಕತ್ತಲೆಯಲಿ
ಕಾಲಿಡಲು ಬದುಕು ಅಳುಕುತಿರಲು,
ಕನಸೆಂಬ ಮಿಂಚು ಹುಳವೊಂದು ಓಡಾಡೆ
ನಾಳೆಗಳ ದಾರಿಯು ಬೆಳಗಬಹುದಿಲ್ಲಿ...
ಯಾರು ಬಲ್ಲರು ಇಲ್ಲಿ ನಾಳೆಗಳ ಆಳ
ಒಂದಷ್ಟು ಭರವಸೆಯಷ್ಟೇ ಬದುಕು,
ನಾನು ಇಲ್ಲ ಇಲ್ಲಿ ನೀನು ಅಲ್ಲಾ
ದಾರಿ ಸಾಗಿದಂತೆ ತಿಳಿವುದು ಸತ್ಯವಿಲ್ಲಿ...
ಸುರಿಸಬೇಕು ಒಂದಷ್ಟು ಕಣ್ಣೀರ ಇಲ್ಲಿ
ಖುಷಿಗಾದರೂ ಇಲ್ಲ ನೋವಿಗಾದರೂ,
ಹರಿಸಬೇಕು ಒಂದಿಷ್ಟು ಹನಿಗಳ ಬೆವರಿನಲ್ಲಿ
ನಾಳೆಗಳು ನಮ್ಮದೇ ಎಂಬ ದೃಢತೆಯಲಿ...
