ಸರಿಸುತ ಬದುಕಿನ ಭಾವೋದ್ವೆಗ,
ಹೊಸ ಹಾಡು ಹೊಸ ಪಾಡು ಭಾವಕ್ಕೆ
ಹೊಸದೇನಿಲ್ಲ ನಿನ್ನೆಯಂತೆಯೇ ಎಲ್ಲಾ ಬದುಕಿಗೆ...
ಸರಿದು ಹೋದರೂ ಹರಿದು ಹೋಗದ ಮಾಯೆ
ನೆನಪೆಂಬುದು ನೆಪವೂ ಇಲ್ಲಿ ಬದುಕಿಗೆ,
ಬಿಟ್ಟೆನೆಂದರೂ ಬಿಡದೇ ಕಾಯುವ ಛಾಯೆ
ನಿನ್ನೆ ನಾಳೆಗಳೆಂಬ ಹಂಗಿಲ್ಲದೆ...
ಕಳೆದುಹೋದುದ ಹುಡುಕುತಿದೆ ಮನವು
ಪುನಃ ಬರಲಾರದೆಂಬ ಅಂತರ್ಯದ ಕೂಗು ಕೇಳದೇ,
ಮತ್ತೆ ಮತ್ತೆ ಮೂಡುವುದು ಇಲ್ಲಿ ಭರವಸೆಯ ಬೆಳಕು
ನೂರು ಹಂಬಲಗಳ ಬಲದ ನಡುವೆ...
ಒಲವೆಂಬ ಚಂದ್ರಮ ಬದುಕ ಹಾದಿಯಲಿ
ಬೆಳದಿಂಗಳಾಗಿ ಬೆಳಕ ಬೀರುತಿರಲು,
ಹೊಸದೊಂದು ಅಧ್ಯಾಯ ಬದುಕ ಪುಟದಲಿ
ನೂರು ನೋವುಗಳ ಮರೆತು ಮುನ್ನಡೆಯಲು...
