ಓ ಒಲವೇ...

ಚಂದಮಾಮನಾಗಲೇ ನಾ
ನಿನ್ನಾ ಪ್ರೀತಿಯಲಿ,
ಚುಕ್ಕಿ ತಾರೆ ನಾಚಲಿ
ನಮ್ಮಿಬ್ಬರ ಪ್ರೀತಿ ಹಾಡಿಗೆ...

ಬೆಳ್ಳಿ ಬೆಳದಿಂಗಳ ಹರಡುವೆ ನಾ
ಈ ಪ್ರೀತಿಯ ದಾರಿಯಲಿ,
ಹುಣ್ಣಿಮೆಯಾ ಬೆಳಕೆಂದೂ
ಕರಗದಂತೆ ಈ ಪ್ರೀತಿಯ ಪಾಲಿಗೆ...

ಕಾರ್ಮೋಡಗಳ ಮರೆಯಲಿ ನಾನು
ಮರೆತರೂ ಕೆಲವು ಕ್ಷಣ,
ಮರಳಿ ಬರುವೆ ನಾನೆಂದೂ
ನಿನ್ನ ಒಲವಿನ ಹಾಡಿಗೆ...

ಅಮವಾಸ್ಯೆಯ ಕತ್ತಲಲಿ
ನಾ ಕರಗಿ ಹೋದರೂ,
ಮತ್ತೆ ಹುಟ್ಟಿ ಬರುವೆ ನಾ
ನಿನ್ನ ಒಲವಾ ಬಲದಲ್ಲಿ...

ನಿನ್ನೊಲವ ಚಂದಿರ ನಾನು
ನನ್ನೊಳಗೆ ಚಂದವೂ ನೀನು,
ಇದು ಮುಗಿಯದ ಒಲವಿನ ಹಾಡು
ಇದು ಮನಸುಗಳ ಬೆಸೆದಿಹ ಪಾಡು...

ಭಾವಯಾನ...

ಪ್ರೀತಿ ನೀನು ಸನಿಹ ಬರುವವರೆಗೂ
ಬಾನ ಚಂದಿರ,
ಬದುಕ ಜೊತೆಗೆ ಸೇರಿದೊಡನೆ
ಮನಸು ಮೌನ ಮಂದಿರ...

ತುಸು ಕೋಪವಿಲ್ಲಿ,ಹುಸಿ ಮುನಿಸ ಜೊತೆಗೆ
ಬಾಳು ನಂದನ,
ಹಿತವಾದ ಮಾತು ತುಟಿಯಂಚ ನಗುವು ಕರಗೇ
ಬದುಕೇ ಕಾನನ...

ಸ್ನೇಹದ ಜೊತೆಗೆ ಪ್ರೇಮವ ಬೆರೆವ ಪರಿಗೆ
ಬದುಕಿಲ್ಲಿ ವಿಸ್ಮಯಾ,
ನಗುವಿನ ಲೋಕದೆ ನೋವನು ಮರೆಸುವ
ಭಾವವೇ ನೀನಿಲ್ಲಿ ಪುರಸ್ಕೃತ...

ಬದುಕಲಿ ಭಾವದ ಬವಣೆಯ ಹೆಣೆಯೋ
ಪ್ರೀತಿಯೇ ನೀನೊಬ್ಬ ಪರೀಕ್ಷಕ,
ಪ್ರೀತಿ ಪರೀಕ್ಷೆಯ ಪದೇ ಪದೇ ಪಡೆಯುವ
ಬದುಕೇ ನೀನಿಲ್ಲಿ ಪರೀಕ್ಷಿತ...