ನೆರಳು...

ಬದುಕು ಇಲ್ಲಿ ಮಾಯೆ

ಸುತ್ತಾ ನೋವು ನಲಿವಿನ ಛಾಯೆ,

ಪ್ರತಿ ಕ್ಷಣವೂ ಇಲ್ಲಿ ನೆರಳಂತೆ

ಜೊತೆಯಾಗುವುದು ಪ್ರತಿಬಿಂಬದಂತೆ...

ಕನಸು ಇಲ್ಲಿ ಕುರುಡಂತೆ

ಒಲವಿನ ಈ ಹುಡುಕಾಟದಲಿ,

ನೆನಪು ಇಲ್ಲಿ ಬೇತಾಳ

ಬೇಡವೆಂದರೂ ಬೆನ್ನ ಏರಿಹುದು...

ಭವ ಸಾಗರದ ಅಲೆಗಳಿಗೆ

ಮನಸು ಸದಾ ತೋಯುತಿಹುದು,

ನೋವು ನಲಿವೆಂಬ ಏರಿಳಿತ

ಕಣ್ಣಂಚಲಿ ಹನಿಗಳ ಮೂಡಿಸಿದೆ...

ಬದುಕು ಇಲ್ಲಿ ನೆರಳಂತೆ

ನಿನ್ನೆಗಳ ಹೆಜ್ಜೆಯ ಮೇಲೆ,

ನಾಳೆಗಳು ಪ್ರತಿಬಿಂಬ

ಬದುಕೆಂಬ ಕನ್ನಡಿಯೊಳಗೆ...

ಭಾಗ್ಯ ವಿಧಾತ...

ನಿನ್ನೆಯ ನೋವುಗಳೇ

ನಾಳೆಗೆ ಪಾಠಗಳು,

ಒಲವಿನ ಸಾಲುಗಳೇ

ಸ್ಪೂರ್ತಿಯ ಚಿಲುಮೆಗಳು...

ಕಾಲವು ಬರೆದಂತೆ

ಬದುಕಿನ ನಿಯಮಗಳು,

ಬೇಸರವಾದರೂ ಇಲ್ಲಿ

ನಗುನಗುತಾ ನಡಿಬೇಕು...

ಕನಸಿನ ಅರಮನೆಗೆ

ಇಲ್ಲಿ ನೆನಪಿನ ದೀವಿಗೆಯೂ,

ಮರೆವಿನ ಜೊತೆಯಲ್ಲೇ

ಅಳುವೂ ಇಹುದಿಲ್ಲಿ...

ಬದುಕಿನ ಸಾಲುಗಳ

ಇಲ್ಲಿ ನಾವುಗಳೇ ಬರಿಬೇಕು,

ವಿಧಿ ಬರೆದ ಭಾಗ್ಯಗಳ

ಬದಲಾಯಿಸಿ ವಿಧಾತರಾಗಬೇಕು...