ಅದೇ ಸೂರ್ಯ ಅವನು ಹೊಸಬನಲ್ಲ
ನಿನ್ನೆಯ ನಾನು ಮತ್ತೆ ಇಲ್ಲಿ,
ಹೊಸತೊಂದು ದಿನವಷ್ಟೇ ನನಗೆ
ನನ್ನೊಳಗೆ ಹೊಸತನವ ಚಿಗುರಿಸಲು...
ಕನಸೊಂದು ಹೊಸತಾಗಿರೆ ಇಲ್ಲಿ
ಪ್ರೀತಿಸುವ ಮನಸಿಗೆ,
ನಿನ್ನೆಯ ನಗುವು ಇಲ್ಲಿ
ಹೊಸತಾಗಬಹುದೇ ನಾಳೆಗೆ...
ನನ್ನೊಲವ ನಲಿವಿಗೆ ಈಗ
ನಿನ್ನೆಗಳ ಕರ್ಮ ಕಾಡಬಹುದೇ ಇಲ್ಲಿ,
ಹೊಸತುಗಳ ಹುಡುಕಿದರೇನು
ಹಳೆತುಗಳು ಬೆನ್ನು ಬಿಡಬಹುದೇ...
ಹಳೆಯ ಹಾಡು ಹೊಸತೊಂದು ಪಾಡು
ಈ ಲೋಕದಾ ಪಯಣದಲಿ,
ನಿನ್ನೆ ಪ್ರೀತಿಸಿದಷ್ಟೇ ಇಂದು ಪ್ರೀತಿಸುವೆ ಬದುಕೇ
ರೀತಿ ಬದಲಾದರೂ ಆಗಬಹುದಿಲ್ಲಿ ಅಷ್ಟೇ....
No comments:
Post a Comment