ಮಾಯಾಕನ್ನಡಿ...

ಮನಸೆಂಬ ಕನ್ನಡಿಯೊಳು

ಬದುಕು ನಗಬಹುದೇ,

ಭಾವಗಳ ಅಲೆಯಲ್ಲಿ

ತನ್ನೆಲ್ಲಾ ಅಳುಕುಗಳ ದೂರ ಸರಿಸಿ...

ನೂರು ನೋವುಗಳ ಮರೆತು

ಬದುಕಿಲ್ಲಿ ನಗಲು,

ಮನಸು ನಿಲ್ಲುವುದೇ

ಹೊಸ ಕನಸ ಜೊತೆಗೆ...

ಭಾವದೆಲೆಯ ಮೇಲೆ

ಬದುಕಿಲ್ಲಿ ತೇಲುತಿರೆ,

ಮನಸಿನೊಳಗೆ ನೂರು ಪ್ರತಿಬಿಂಬ

ಒಡೆದ ಕನ್ನಡಿಯಲಿರುವಂತೆ...

ಯಾರು ತನ್ನವರೋ

ಯಾರು ಹಿತವರೋ ಇಲ್ಲಿ,

ಸಾಗಬೇಕು ಕನಸುಗಳ ಜೊತೆಗೆ

ಬದುಕು ಮಂದಾರವಾಗಿರಲು...

ನನ್ನೆದೆಯಾ ಹಾಡು...

ಬದುಕು ಅನ್ನೋದು ಪೂರ್ವದ

ಉದಯ ಸೂರ್ಯನಲ್ಲ,

ಭರವಸೆ ಅನ್ನೋದು ಇಲ್ಲಿ 

ಪಶ್ಚಿಮದ ಕಡಲೂ ಅಲ್ಲ...

ಕನಸು ಕಾಣುವ ಜೀವಕೆ

ಬದುಕುವುದೇ ಒಂದು ಸಂಭ್ರಮ,

ನಗುವ ಮನಸಿರೋ ಜೀವಕೆ

ಬದುಕು ಅನ್ನೋದು ಹಬ್ಬವೇ...

ಮರುಗಬೇಕು ಮರೆವಿನೊಳು

ಅರಳಬೇಕು ಲೋಕದೊಳಗೆ,

ಜೀಕಬೇಕು ಕಾಲದ ಉಯ್ಯಾಲೆಯಲಿ

ಎದೆಯ ತುಂಬಿದ ಭಾವದ ಜೊತೆಗೆ...

ಕರಗಬೇಕು ಬದುಕು ಪ್ರೀತಿಯಾಗಲು

ಕಾಯಬೇಕು ಮನಸು ಹದವಾಗಲೂ,

ಬದುಕು ಇಲ್ಲಿ ಕೇಳಿ ಪಡೆದ ವರವಲ್ಲ

ಕರ್ಮದ ಜೊತೆಗಿನ ಶಾಪವೂ ಅಲ್ಲ...