28 December, 2013

ನನ್ನಾಕೆ ಬರುತಾಳೆ...



ನೀಲ ಬಾನಿನ ಮೇಘಗಳೇ
ಸಾಲಾಗಿ ನಿಂತು ಉಪಕರಿಸಿ,
ನನ್ನಾಕೆ ಬರುತಾಳೆ
ಪ್ರೀತಿ ಮಿಂಚಾಗಿ.

ಚಿಲಿಪಿಲಿಯ ಉಲಿಯುವ ಬಾನಾಡಿಗಳೇ
ಸೇರಿ ಹಾಡಿರಿ ನೀವೆಲ್ಲಾ,
ನನ್ನಾಕೆ ಬರುತಿಹಳು
ಜೀವನ ಶೃತಿಯಾಗಿ.

ಗರಿಯ ಬಿಚ್ಚಿ ಕುಣಿಯಿರಿ
ಓ ನವಿಲುಗಳೇ,
ನನ್ನಾಕೆ ಬರುತಾಳೆ
ಪ್ರೀತಿಯ ಕಾಮನಬಿಲ್ಲಾಗಿ.

ತಲೆಯದೂಗುತಾ ನಲಿದಾಡಿ
ಹಚ್ಚಹಸುರಿನಾ ಪೈರುಗಳೇ,
ನನ್ನವಳು ತರುತಾಳೆ
ಪ್ರೀತಿಯ ಸೋನೆ ಮಳೆ.

ಅರಳಿ ನಗುವಾ ಓ ಸುಮಗಳೇ
ಪರಿಮಳ ಚೆಲ್ಲಿ ಹರುಷದಲಿ,
ಗೆಳತಿ ಬರುತಾಳೆ
ಜೀವನ ನಗುವಾಗಿ...

No comments:

Post a Comment