ಕನಸೇ...

ಒಲವೇ ನಿನ್ನಯ ಬಣ್ಣವು ಯಾವುದೂ
ಅದರಲ್ಲಿಯೇ ನಾ ಕಾಣುವೇ ಕಾಮನಬಿಲ್ಲನು,
ಓ ಗೆಳತಿಯೇ ಹೇಳು ನೀನೀಗ
ನಾನೆಂದಿಗೂ ಪ್ರೇಮಿಯೇ ನಿನ್ನೊಲವಿಗೆ...

ಕರಗಲು ಕನಸದು ನಿನ್ನಾ ನೆನಪಲ್ಲೇ
ಕರಗುವೆ ನಾ ನಿನ್ನಾ ಒಲವಲ್ಲೇ,
ನಲ್ಲೇ ನಿನ್ನ ನೆನಪದು ಸುಂದರ ಕಾವ್ಯ
ಬರೆದಿಡುವೆ ಸವಿನೆನಪುಗಳ ನಾನಲ್ಲೇ...

ನಿನ್ನ ಮೌನವು ಹಿತವಾಗಿದೆ ಕನಸಲ್ಲಿ
ಬರಬಾರದೇ ಒಮ್ಮೆ ನೀನಿಲ್ಲಿ,
ಕರಗದ ಕನಸಾಗಿ ಕಣ್ಮುಂದೆ
ಒಲವೇ ಒಲವಿಂದ ಉಲಿಯುತ್ತಾ...

ಪ್ರತಿ ಹಗಲಲೂ ನೀನೇ ಬೆಳಗು
ಪ್ರತಿ ಇರುಳಲೂ ನೀನೊಂದು ಬೆರಗು,
ಚಂದದ ಚಂದಿರನ ಓ ಬೆಳದಿಂಗಳೇ
ಭಾವಗಳ ಮೋಡದೊಳಗೆ ನೀನೊಂದು ಮಾಯೆ...

ಮಹಾದೇವ ನಮಸ್ತುಭ್ಯಂ...

ಭಕ್ತರಿಗೆ ಭೋಲೆ ಶಂಕರ
ದುಷ್ಟರಿಗೆ ರುದ್ರ ಭಯಂಕರ,
ಸೃಷ್ಟಿಗಿವನು ಲಯಕಾರಕ
ದೇವಾದಿ ದೇವ ಶಂಕರ...

ತಲೆಯ ಮೇಲೆ ಗಂಗೆಯ
ಹೊತ್ತು ನಿಂತ ಗಂಗಾಧರ,
ಚಂದ್ರನನ್ನು ಮುಡಿದು ನಿಂತ
ಇವನು ಸೋಮಶೇಖರ...

ಕೊರಳ ಮಾಲೆ ವಾಸುಕಿ
ನಾಗಭರಣನಾದ ಶಂಕರ,
ಮೈಯ ಮೇಲೆ ವಿಭೂತಿಯೂ
ರುದ್ರಾಕ್ಷಿ ಇವಗೆ ಪ್ರೀಯವೂ...

ಉಮಾಪತಿಯೂ ಶಂಕರ
ಜಗಕೆ ಅರ್ಧನಾರೀಶ್ವರ,
ವೀರಭದ್ರನಿವ ಶಂಕರ
ಲಯಕಾರ್ಯ ನಡೆಸಲು ಆಡ್ವನಿಲ್ಲಿ ತಾಂಡವ...

ಆದಿ ಮಾಯೆ ಶಂಕರ
ಆದಿ ಯೋಗಿಯಿವನು ಶಂಕರ,
ಆದಿ ಅಂತ್ಯವಿಲ್ಲದ ನಿರಾಕಾರ ನಿರ್ಗುಣ
ಹೇ ನಂದಿವಾಹನ ನಮೋ ಶಿವ ಶಂಭುವೇ...