ಓ ಹೃದಯ...

ನೂರೆಂಟು ನೋವುಗಳು ನಿನ್ನೊಳಗೆ

ಆದರೂ ಹೇಗೆ ನೀ ನಗುವೆ, 

ಕಣ್ಣೀರಲ್ಲಿ ಚೂರಾದರೂ ನೀನು

ಪ್ರೀತಿಯ ಎಲ್ಲರಿಗೂ ಮೊಗೆದಿಡುವೆ...

ಪುಟ್ಟದೊಂದು ಗೂಡು ನೀನಿಲ್ಲಿ

ಆದರೂ ನೂರಾರು ಭಾವಗಳ ಹೂಗುಚ್ಚ,

ಜಗದ ಎಲ್ಲಾ ಅನುರಾಗಗಳು

ನಿನ್ನಿಂದಲೇ ಜನ್ಮ ಪಡೆದಿವೆಯೆನೋ ಓ ಹೃದಯಾ...

ಪ್ರೀತಿಸುವ ಜೀವಗಳಿಗೆ ನೀನು ಗುಡಿಯಿಲ್ಲಿ

ನಿನ್ನ ಪ್ರತಿ ಬಡಿತವು ಆತ್ಮದ ಸಂಗೀತಾ,

ನಿನ್ನಾ ನೋವುಗಳಿಗಿಲ್ಲಿ ಕಣ್ಣೀರ ಅಭಿಷೇಕ

ನಿನ್ನ ನಲಿವಿಗೆ ಇಲ್ಲಿ ತುಟಿಯಂಚಿನ ಮಂದಹಾಸ...

ಓ ಹೃದಯಾ ನೀನಿಲ್ಲಿ ಪುಟ್ಟ ಕಿನ್ನರ

ಜಗವನ್ನೇ ಬಂಧಿಸಿಹೆ ನಿನ್ನ ಮುಷ್ಟಿಯಲೇ,

ಅದೃಶ್ಯ ಚೈತನ್ಯ ನೀನು ಬದುಕಲ್ಲಿ

ಆತ್ಮಸಖನೂ ನೀನೆಂದೂ ಬಾಳಲ್ಲಿ...

ಋಣ...

ನೂರೊಂದು ನೆನಪುಗಳುಂಟು

ನನ್ನೆದೆಯಾ ಈ ಗೂಡೊಳಗೆ,

ಪ್ರೀತಿಯಾ ಸವಿ ಕನಸುಗಳುಂಟು

ಆ ನೆನಪುಗಳ ಪ್ರತಿ ಪುಟಗಳಲೂ...

ಪ್ರೀತಿನೇ ಇಲ್ಲದೆ ಹೋದರೆ

ಈ ಜೀವಕ್ಕೆಲ್ಲಿ ಬೆಲೆಯುಂಟು,

ಕನಸುಗಳೇ ಇಲ್ಲದೆ ಹೋದರೆ

ಈ ಪ್ರೀತಿಗೆ ಎಲ್ಲಿ ಬೆಲೆಯುಂಟು...

ಹೃದಯದ ಒಳಗೆ ಹುಟ್ಟಿದ ಪ್ರೀತಿಗೆ

ಭೂಮಿಯ ಮೇಲೆ ಕೊನೆಯಿಲ್ಲ,

ಹುಟ್ಟಿದ ಜೀವ ಸತ್ತರೂ ಕೂಡ

ಪ್ರೀತಿಯ ಕಥೆಯೂ ಮುಗಿಯಲ್ಲ...

ಮನಸಿನ ಎಲ್ಲಾ ಭಾವಗಳಿಗೆ

ಪ್ರೀತಿಯ ಜೊತೆಗೆ ನಂಟುಂಟು,

ಭಾವಗಳ ಜೊತೆಗಿನ ಪಯಣದಲಿ

ಬದುಕಿಗೆ ಬಾಂಧವ್ಯದ ಋಣವುಂಟು...