ಋಣ...

ನೂರೊಂದು ನೆನಪುಗಳುಂಟು

ನನ್ನೆದೆಯಾ ಈ ಗೂಡೊಳಗೆ,

ಪ್ರೀತಿಯಾ ಸವಿ ಕನಸುಗಳುಂಟು

ಆ ನೆನಪುಗಳ ಪ್ರತಿ ಪುಟಗಳಲೂ...

ಪ್ರೀತಿನೇ ಇಲ್ಲದೆ ಹೋದರೆ

ಈ ಜೀವಕ್ಕೆಲ್ಲಿ ಬೆಲೆಯುಂಟು,

ಕನಸುಗಳೇ ಇಲ್ಲದೆ ಹೋದರೆ

ಈ ಪ್ರೀತಿಗೆ ಎಲ್ಲಿ ಬೆಲೆಯುಂಟು...

ಹೃದಯದ ಒಳಗೆ ಹುಟ್ಟಿದ ಪ್ರೀತಿಗೆ

ಭೂಮಿಯ ಮೇಲೆ ಕೊನೆಯಿಲ್ಲ,

ಹುಟ್ಟಿದ ಜೀವ ಸತ್ತರೂ ಕೂಡ

ಪ್ರೀತಿಯ ಕಥೆಯೂ ಮುಗಿಯಲ್ಲ...

ಮನಸಿನ ಎಲ್ಲಾ ಭಾವಗಳಿಗೆ

ಪ್ರೀತಿಯ ಜೊತೆಗೆ ನಂಟುಂಟು,

ಭಾವಗಳ ಜೊತೆಗಿನ ಪಯಣದಲಿ

ಬದುಕಿಗೆ ಬಾಂಧವ್ಯದ ಋಣವುಂಟು...