ಬೃಂದಾವನ...

ಒಂದು ಸಣ್ಣ ನೆನಪು ಸಾಕು

ಮತ್ತೆ ಮತ್ತೆ ನಿನ್ನ ಪ್ರೀತಿ ಮಾಡಲೂ,

ಒಂದೇ ಒಂದು ಮಾತು ಸಾಕು

ಒಲವ ಆಗಸಕೆ ಹಾರಲೂ...

ನಿನ್ನದೊಂದು ಮೌನ ಸಾಕು

ಹೃದಯ ಕರಗಿ ಕಣ್ಣೀರಾಗಲೂ,

ನಿನ್ನದೊಂದು ನಗುವು ಬೇಕು

ನನ್ನ ಮನವು ಹಗುರಾಗಲೂ...

ನಿನ್ನೊಳು ಹುಸಿ ಕೋಪವಿರಬೇಕು

ನಾನು ಇಲ್ಲಿ ಮಗುವಾಗಲೂ,

ನಿನ್ನ ತುಂಟತನವೂ ಬೇಕು

ನಾನು ಪ್ರೇಮಿಯಾಗಿ ಬೆರೆಯಲು...

ನೀನು ಸದಾ ನಗುತಲಿರಬೇಕು

ಬದುಕು ಬೃಂದಾವನವಾಗಲೂ,

ನೀನು ರಾಧೆಯಾಗಿರಲು ಇಲ್ಲಿ

ನಾನು ನಿನ್ನೊಲವಿಗೆ ಮಾಧವ...