ಮನವಿ...

ಓ ನಿದಿರೆಯೇ ನಿನ್ನಲ್ಲಿ ಮನವಿ ಇದೆ

ಹೇಳೊಕು ಜೊತೆಯಲ್ಲಿ ಅಳುಕೂ ಇದೆ...

ಕಣ್ಣ ರೆಪ್ಪೆಯಲಿ ನೀನು ಅಡಗಿರುವೆ

ಕಣ್ಣ ಮುಚ್ಚಿದಾಗ ಯಾಕೋ ಮಾಯವಾಗುವೆ...

ಓ ಕನಸೇ ನಿನ್ನಲ್ಲೊಂದು ಮನವಿ ಇದೆ

ಹೇಳೊಕು ಮನಸೀಗೆ ಮುಜುಗರ ಹೆಚ್ಚಾಗಿದೆ,

ಕಾಡೋಕು ನಿನಗೆ ಹೊತ್ತು ಗೊತ್ತಿಲ್ಲವೇ

ನನ್ನನ್ನೇ ನಾ ಮರೆತಾಗ ಬಡಿದೆಬ್ಬಿಸುವೆ...

ಓ ನೆನಪೇ ನಿನ್ನಲ್ಲೊಂದು ಮನವಿ ಇದೆ

ಒಂದೊಮ್ಮೆ ನೀನು ಸುಮ್ಮನಿರಬಾರದೇ,

ನೀನು ಮೌನ ಮುರಿದಾಗಲೆಲ್ಲಾ ಇಲ್ಲಿ ನೋವಿದೆ

ಕಣ್ಣಿಂದ ನಿದಿರೆಯೂ ಕೈ ಜಾರಿದೆ...

ಓ ಬದುಕೇ ನಿನಗೊಂದು ಮನವಿಯಿದೆ

ಕಾಲಕ್ಕೆ ನೀನಿಲ್ಲಿ ತಲೆ ಬಾಗಬೇಕಿದೆ,

ಕಾಲದ ಜೊತೆಗಿನ ಗುದ್ದಾಟದಲಿ

ನೀನಿಲ್ಲಿ ಕಲಿಯೋದು ಬಹಳಷ್ಟಿದೆ...