ಗೊಂಬೆಯಾಟ...

ಇರುವುದು ಒಂದೇ ಮನುಷ್ಯ ಜನ್ಮ

ಬಾಳಿ ಬದುಕಬೇಕಿಲ್ಲಿ,

ಅವನ ಕರೆ ಬಂದಾಗ ಎಲ್ಲವ ಬಿಟ್ಟು

ಹೊರಟು ಹೋಗಬೇಕಲ್ಲಿ...

ಅಲ್ಲಿರುವುದು ನಮ್ಮಯ ಮನೆಯೂ

ಇಲ್ಲಿರುವುದು ನಾವು ಸುಮ್ಮನೆಯೂ,

ಈ ಲೋಕದ ಋಣವು ಮುಗಿಯುತಿರಲು 

ಹಿಂತಿರುಗಿ ಹೋಗಲೇಬೇಕಲ್ಲಿ...

ನಾಳೆಯ ಚಿಂತೆಯು ನಮಗಿಲ್ಲಿ

ಅವನ ಲೆಕ್ಕಾಚಾರವೇ ಮೊದಲಿಲ್ಲಿ,

ಅರಳೋ ಹೂವು ಬಾಡುವ ಮುನ್ನ

ಅವನು ಆಟವನೇ ಮುಗಿಸುವಾ...

ನಗುವಿಗೆ ಕಾರಣ ಏನಿಲ್ಲಾ

ನೋವಿಗೆ ಚಿಂತೆಯು ಬೇಕಿಲ್ಲಾ,

ಕಾಲನು ಆಡೋ ಆಟದಲಿ

ಕೈ ಗೊಂಬೆಗಳೇ ನಾವೆಲ್ಲಾ...