ಸ್ನೇಹವೆಂದರೇ...

ಬಣ್ಣ ಬಣ್ಣದ ಕಾಮನಬಿಲ್ಲು
ನೀನೇ ಸ್ನೇಹವೇ,
ಮೌನವಾದ ಕನಸಿಗೆ
ಜೀವ ಕೂಡ ನೀನೇ ಅಲ್ಲವೇ...

ಉಸಿರಿರೋ ತನಕ ಹೆಸರಾಗಿರುವ
ಬಂಧ ನೀನೇ ಅಲ್ಲವೇ,
ಉಸಿರಿನ ಜೊತೆಗೇ ಬೆರೆಯುವ
ಬಂಧು ನೀನೇ ಎಂದಿಗೂ...

ಪ್ರೀತಿಯೇ ನೀನು ಆದರೂ ಕೂಡ
ತ್ಯಾಗಕೆ ಹೆಸರು ನೀನೇ ಎಂದಿಗೂ,
ಮಮತೆಗೆ ನೀನು ಸಾಗರದಾಳ
ಬದುಕಿನ ಸ್ಫೂರ್ತಿ ಕಣ್ಣ್ತುಂಬುವ ಬಾನು....

ತಾಳ್ಮೆಗೆ ಹೆಸರೂ ನಿನಗೆ
ಎರಡನೇ ತಾಯಿಯ ಸ್ಥಾನಮಾನ,
ನೂರು ಸುಳ್ಳಿನ ಕಥೆಗಾರ
ಜೊತೆಗಿದೆ ನೋವ ಮರೆಸುವ ಭಾವ...

ಸದಾ ತರಲೆಯ ಗೂಡು
ಆದರೂ ಮನಸನು ಮುದಗೊಳಿಸೋ ಹಾಡು,
ನೀನೆಂದೂ ಜೀವನ ಚೈತ್ರ
ನೀನಿಲ್ಲಿ ಬದುಕಿನ ಭಾಷ್ಯ...