ನಮೋ ತಾಯಿ ಭಾರತಿ...

ತನು ಕನ್ನಡ ಮನ ಕನ್ನಡ
ರಕ್ತದ ಕಣ ಕಣವು ಕನ್ನಡ,
ದೇಹದೊಳಗಣ ಉಸಿರು ಮಾತ್ರ
ತಾಯಿ ಭಾರತಿ ನಿನಗರ್ಪಿತ...

ತಾಯಿ ನೀನು ದೈವವಾದೆ
ಓ ಪ್ರೀತಿಯ ಭಾರತಿ,
ನಿನ್ನ ಮಡಿಲಲ್ಲಿ ಜ್ಯೋತಿಯಾಗಿ
ನಿನಗೆ ಬೆಳಗುವೆನಮ್ಮ ಆರತಿ...

ಕೋಟಿ ದೇವರಿಲ್ಲಿ ಇದ್ದರೂನು
ನೀನವರಿಗಿಲ್ಲಿ ಮಾತೆಯೂ,
ದಿನದ ಮೊದಲ ನಮನ
ನಿನಗೆ ಓ ದೇವಿ ಭಾರತಿ...

ನಿತ್ಯ ನಡೆಯುವುದಿಲ್ಲಿ ಪೂಜೆ ನಿನಗೆ
ಮಂತ್ರವದುವೆ ವಂದೇಮಾತರಂ,
ಹಿಮದ ಗಿರಿಯು ಕಿರೀಟ ನಿನಗೆ
ನಮ್ಮ ಕಾಯಲದುವೆ ಕೋಟೆಯೂ...

ಗಂಗೆ ಯಮುನೆ ತುಂಗ ಭದ್ರೆ
ನಿನಗೆ ನಿತ್ಯ ಅಭಿಷೇಕವಗೈವರು,
ಮಲೀನವಾದ ಹೃದಯಗಳಲಿ
ದೇಶ ಭಕ್ತಿಯನ್ನು ತುಂಬಿಸಮ್ಮ ಭಾರತಿ...