ಜಗದ ಮಾಯೆಯಲಿ ಬಂಧಿ ನಾನು
ಭವದ ಬೇಗೆಯಲಿ ಬೆಂದೆನೂ,
ಕಾಯುವಾ ಶಕ್ತಿ ನೀನು
ನನ್ನ ಒಳ ಹೊರಗಲೂ...
ನೀನಿಲ್ಲಿ ಭಕ್ತಿ ನೀನಿಲ್ಲಿ ಶಕ್ತಿ
ನಿನ್ನಿಂದ ನಾನು ನನ್ನೊಳಗೆ ನೀನು,
ನೋವಿಗೆ ದನಿ ನೀನು
ನಲಿವಿಗೂ ಕಾರಣ ನೀನೇ...
ಆತ್ಮಸ್ಥೈರ್ಯವೂ ನೀನು
ನನ್ನೊಳಗೆ ಕನಸಾಗಿ,
ಕೈ ಹಿಡಿದು ನಡೆಸುವಾ
ಆತ್ಮ ಸಖನೂ ನೀನಲ್ಲವೇ...
ಜೀವನದ ದೋಣಿಗೆ ಅಂಬಿಗನು ನೀ
ತಪ್ಪು ಸರಿಗಳಿಗಿಲ್ಲಿ ನ್ಯಾಯಧೀಶ,
ಪರಮಾತ್ಮ ನೀನಿಲ್ಲಿ ನನ್ನೊಳಗೆ
ದೇಹವೆಂಬ ಗುಡಿಯೊಳು ಪೂಜೆಯಿಲ್ಲದೇ...
No comments:
Post a Comment