ಸಂಘರ್ಷ...

ಕರ್ಮಭೂಮಿಯಿದು ಇಳೆಯಿಲ್ಲಿ

ಕರ್ಮಯೋಗಿಗಳಾಗಬೇಕು ನಾವಿಲ್ಲಿ,

ಧರ್ಮ ಭೂಮಿಯಿದು ಈ ಜಗವೂ

ದಾರ್ಶನಿಕರಾಗಬೇಕಿದೆ ನಾವಿಲ್ಲಿ...

ಧರ್ಮ ಅಧರ್ಮಗಳ ಯುದ್ಧವಿದು

ನಮ್ಮ ಬದುಕು ಈ ಭುವಿಯೊಳಗೆ,

ಸತ್ಯ ಅಸತ್ಯಗಳ ಸಂಘರ್ಷವಿದು

ಕಾಲದ ಜೊತೆಗಿನ ನಮ್ಮೀ ಪಯಣವಿದು...

ನ್ಯಾಯ ಅನ್ಯಾಯಗಳ ನಡುವಿನ ಹೋರಾಟ

ಕರ್ಮಗಳ ಜೊತೆಗಿನ ಒಡನಾಟ,

ಸತ್ಯ ಅಸತ್ಯಗಳ ಜೊತೆಗೆ ಜೂಟಾಟ

ಮನದ ಒಳಗಿನ ಈ ಹೊಯ್ದಾಟ...

ಸತ್ಯ ಧರ್ಮಗಳ ಈ ಹಾದಿಯಲಿ

ಅನ್ಯಾಯ ಅನೀತಿಗಳ ಕಂದರವೂ,

ಕರ್ಮಯೋಗದ ಈ ಪಥದೊಳಗೆ

ಎಲ್ಲರೂ ಬಂಧಿಯಿಲ್ಲಿ ಕಾಲದ ಪರಿಧಿಯೊಳು...