ಒಲವ ಗೀತೆ...

ಒಲವೇ ನೀನಿಲ್ಲಿ ಮಂದಾರವು

ಕನಸ ಕಚಗುಳಿಯೊಳು ಬಂಗಾರವೂ,

ಮೌನದ ಮರೆಯೊಳಗೆ ನೀ ಬೆಳದಿಂಗಳು

ನಗುವಾ ನಯನದೊಳು ನೀ ಚುಕ್ಕಿಯೂ...

ನೀನೊಂದು ರಾಗ ಈ ಎದೆಗೂಡಲಿ

ಕಣ್ಣ್ ಮುಚ್ಚಿ ತೆರೆದಾಗ ಆನಂದವೂ,

ಸಂಗೀತ ಬಾಳೆಲ್ಲಾ ನಿನ್ನ ನೆನಪಲಿ

ಸಾಹಿತ್ಯ ಬದುಕಿಲ್ಲಿ ನಿನ್ನ ಜೊತೆಯಲಿ...

ಓ ಒಲವೇ ನೀನು ಸಂಗಾತಿಯೂ

ಪ್ರತಿಕ್ಷಣದ ಕನವರಿಕೆ ನಿನ್ನ ಸಾಂಗತ್ಯವೂ,

ನೀನಿಲ್ಲಿ ಬಂದು ಜೊತೆಯಾಗಲು

ಬದುಕೆಂಬ ದೋಣಿ ದಡ ಸೇರಿಹುದು...

ಜೀವಕ್ಕೆ ನೀನು ಉಸಿರಂತೆಯೂ

ಪ್ರತಿ ತುಡಿತಕ್ಕೂ ಇಲ್ಲಿ ನೀ ಮಿಡಿತವೂ,

ಬದುಕೆಂಬ ಬಾನಲ್ಲಿ ನೀ ಸೂರ್ಯನೂ

ನರನಾಡಿಗೆಲ್ಲಾ ಚೈತನ್ಯವೂ...