ಮನಸೇ...

ಮುಗಿಲಂತ ಒಲವು ರತ್ನದಂತ ಚೆಲುವು

ಮನಸೇ ನಿನ್ನದೂ,

ಅರಿವಿನ ಮರೆಯೊಳು ಮನೆಯ ಮಾಡಿ

ಕಾಡುವ ಗುಣವೂ ನಿನ್ನದೂ...

ಕಣ್ಮುಚ್ಚಿ ಒಮ್ಮೆ ಪ್ರೀತಿಯನು ಮಾಡಿ

ಕಾಡುವ ಹಟವೂ ನಿನ್ನದೂ,

ತುಂಟ ನಗೆಯೊಳಗೆ ಬರಸೆಳೆದು

ಸ್ನೇಹದ ಅಲೆಯೊಳಗೆ ಬಂಧಿಸುವ ಮಾಯೆಯೋ...

ನೂರು ದಾರಿಯನು ಸವೆಸಿ

ಹತ್ತಾರು ಕನಸುಗಳ ವ್ಯಯಿಸೋ ಭಾವವೇ,

ಬದುಕ ಬಾನಿನ ತುಂಬಾ ಮದರಂಗಿಯ ಬರೆದು

ಮಧುವನರಸೋ ದುಂಬಿಯೇ...

ಮುಚ್ಚಿಟ್ಟ ನೆನಪುಗಳ ಬಚ್ಚಿಟ್ಟ ಕನಸುಗಳ

ಬದಲಾಯಿಸೋ ಮಾಯಾವಿಯೇ,

ಬದುಕ ಖುಷಿಯಿಂದ ಗುಣಿಸಿ

ನೋವುಗಳ ಕಳೆಯೋ ಕಿನ್ನರನೇ...