ಭಾವಲೋಕ...

ಓ ಭಾವವೇ ಬಂದು ಬಿಡು ನೀ ಒಮ್ಮೆ 

ಸೇರಿಬಿಡು ಈ ಬದುಕನು ಈಗ,

ಬದುಕ ಕಟ್ಟಬೇಕು ನಾನು ಇಲ್ಲಿ 

ನಿನ್ನ ನೂರು ನೆನಪುಗಳ ಜೊತೆಗೆ...

ಹಾಯಾಗಿ ಹಾರಿಬಿಡು ಒಮ್ಮೆ 

ಓ ಕನಸೇ ಈ ಬದುಕಿನಲಿ,

ನೀನಿರದ ಪ್ರತಿ ಕ್ಷಣವೂ ಮೌನ 

ಹೋಗದಿರು ಸರಿದು ದೂರ...

ಬಂಧನವಿರದ ಸಂಬಂಧವು ನೀನು 

ಬಿಟ್ಟು ಹೋಗದಿರು ಬದುಕನು,

ಒಲವಾಗಿ ಕಾಡಬೇಕು ನೀನು 

ಪ್ರೇಮಗೀತೆಯಾಗಿ ಹಾಡಬೇಕು ಇಲ್ಲಿ...

ಮುರಿಯದ ಮೌನದ ಹಿಂದೆ 

ಅರಿಯದ ಪ್ರೀತಿಯಾಗಬೇಕಿಲ್ಲಿ ನೀನು,

ಹುಸಿಮುನಿಸಿನ ಹಿಂದೆ ಸರಿದು 

ಬದುಕ ಬೆಳಗು ಓ ಭಾವವೇ...