ಮೌನಿಯಾಕದೆ

ನಿನ್ನ ಮೌನದ ಪರಿಗೆ ಕಳೆದು ಹೋಗಿದೆ ಮನವು,
ನೆನಪುಗಳ ಗೂಡೀಗ ನುಚ್ಚುನೂರಾಗಿದೆಯಿಲ್ಲಿ.
ಚಂದ್ರಬಿಂಬವೂ ಕೂಡ ಮೈಯ ಸುಡುತಿದೆ ನಲ್ಲೆ,

ಅರೆ ತೆರೆದ ರೆಪ್ಪೆಯಲೂ ನಿನ್ನ ಕನಸಿದೆಯಲ್ಲೆ.
ಈ ಮೌನವೇತಕೆ ಇಂದು ಹೇಳೆ ಸಖಿ?
ಹೊತ್ತು ಸರಿಯುವ ಮುನ್ನ ಮೌನ ಕರಗಿಸು ಗೆಳತಿ.
ಮನವ ತೆರೆದಿಟ್ಟು ಒಲವ ತೋರು ಬಾರೆ,
ನಿನ್ನ ಮುನಿಸಿಗೆ ಕಾರಣವ ಹೇಳು ಬಾರೆ.
ಮೌನ ಮರೆತು ಪ್ರೀತಿ ಲತೆಯಾಗು ಹುಡುಗಿ,
ನೆನಪಿನಾಳದಿ ಕಳೆದುಹೋಗುವ ಮುನ್ನ ಪ್ರೀತಿಯರಳಿಸು ಬಾ ಒಲವೇ...