ಆಸರೆ...

ಬಳ್ಳಿಗೆ ಮರವೇ ಆಸರೆ ಈ ಜಗದ ಸೃಷ್ಟಿಯಲಿ,
ಪ್ರೀತಿಯ ಬದುಕಿಗೆ ಪ್ರಕೃತಿಯ ಪರಿಭಾಷೆ ಇದ್ದರೂ ಇರಬಹುದೇ?

ಹಾರೋ ಹಕ್ಕಿಗೆ ತನ್ನ ರೆಕ್ಕೆಯೇ ಆಸರೆಯೂ,
ಬೀಸೋ ಗಾಳಿಯ ಹಂಗಿಲ್ಲದ ಜೀವಕೆ ನಂಬಿಕೆಯೇ ಆಸರೆಯೇ?

ಈಜುವ ಮೀನಿಗೆ ಸದಾ ಹರಿಯೋ ನೀರೇ ಆಸರೆ,
ಉಸಿರಿಗೂ,ಬದುಕಿಗೂ ನಂಟಿರಬಹುದೇ ಈ ಸ್ನೇಹದ ಆಸರೆ?

ಬದುಕ ನಡೆಸಲು ಬೇಕು ಭರವಸೆಯ ಆಸರೆ,
ನಂಬಿಕೆಯ ಬಲವಿರಬೇಕು ನಾಳೆಯ ಬದುಕಿಗೆ.

ಕನಸ ಹೂವಿಗೆ ಎಂದೂ ಪ್ರೀತಿಯೇ ಆಸರೆ,
ಸ್ನೇಹದ ಬಂಧವೆ ತಾನೆ ಈ ಕನಸಿಗೆ ಪ್ರೇರಣೆ?

ನಂಬಿಕೆಯೇ ಉಸಿರು ಪ್ರೀತಿಯೇ ಬದುಕಾಗಿರಲು,ಅರಳಬಹುದಲ್ಲವೇ ಸುಂದರ ಬದುಕಿನ ಕವನ,
ಆಸರೆಯಾಗಬಹುದಲ್ಲವೇ ಸುಂದರ ಕನಸಿನ ಜನನ...