ಪ್ರೀತಿಯ ತುಂತುರು...

ಒಲವ ಹುಡುಗಿಯೇ ನನ್ನ ಮನಸಲಿ ತುಂಬಿರುವೆ ನೀನೇ ಎಂದೆಂದೂ,
ಪ್ರೀತಿ ಚೆಲುವೆಯೆ ನಿನ್ನ ಕನಸಲಿ ಬರುವೆ ನಾನೆಂದೂ.

ದೂರವೆಷ್ಟು ಇದ್ದರೇನು ಮನಸು ಜೊತೆಯಲಿದೆ,
ಮಿಡಿವ ಪ್ರತಿ ತುಡಿತವೂ ಕೂಡ ನಿನಗೆ ಮೀಸಲಿದೆ.

ಸೃಷ್ಟಿಯ ಸುಂದರ ಚಂದಿರನಲ್ಲೂ ನಿನ್ನ ಕಂಡಿಹೆನು,
ಪ್ರತಿ ಉಸಿರಲೂ ನೀನೇ ಬೆರೆತಿಹೆ ಬೆಳದಿಂಗಳಿನಂತೆಯೇ.

ಓಡುವ ಮೇಘವೂ ಕೂಡ ಬಿಡಿಸಿದೆ ನಿನ್ನದೇ ಚಿತ್ತಾರ,
ಮನದ ಆಗಸದಿ ಮೂಡಿದೆ ಇಂದು ನಿನ್ನದೇ ನೆನಪುಗಳವು ಕಾಮನಬಿಲ್ಲಾಗಿ.

ಬೀಸೋ ಗಾಳಿಯು ತಬ್ಬಿದೆ ಇಂದು ನಿನ್ನದೇ ಸ್ಪರ್ಶದಲಿ,
ಬೆಚ್ಚಗೆ ಮನಸು ಬಚ್ಚಿಟ್ಟುಕೊಂಡಿದೆ ನೂರು ಸವಿಮಾತು.

ಪ್ರೀತಿ ಮಿಡಿವ ಮನಸು ಕೂಗಿದೆ ಹರ್ಷದಲೇ ಇಂದು,
ಜೊತೆ ಸೇರುವ ಘಳಿಗೆ ಬಂದಿದೆ ಸನಿಹ ಓ ಒಲವೆ ಕೇಳಿಂದೂ...