ಮತ್ತೆ ಬಂದಿದೆ ಹೊಸ ವರುಷ...

ಬಂದಾ ಬಂದ ವಸಂತ ಬಂದ,
ಋತುಗಳ ರಾಜ ತಾ ಬಂದ,
ಕಾಲ ಚಕ್ರವದು ಉರುಳುತಲಿರಲು,
ಕಾಲಗರ್ಭವದು ಮರೆಸುತಲಿರಲು ಮತ್ತೆ ಬಂದ ತಾನ್ ನವ ವಸಂತ.

ಚೈತ್ರೆಯು ತಂದಿದೆ ಹೊಸ ಚಿಗುರಿನ ಹೊಸ ಹರುಷ,
ಪ್ರಕೃತಿಗಾಗಿದೆ ಚಿಗುರಿನ ಸಂಮೃದ್ಧಿಯ ಹೊನಲು,
ಚಿಗುರಿದ ಮಾಮರದಲಿ ಕೋಗಿಲೆ ಉಲಿದಿದೆ ನವ ವಸಂತ ಗಾನ.

ಮಾವಿನ ಒಗರಿನ ಜೊತೆ ಹುಣಸೆಯ ರುಚಿಯೂ,
ತುಂಬಿದೆ ಭೂದೇವಿಯ ಬಯಕೆಯ ಒಡಲು,
ಚಿಗುರಿನ ಜೊತೆಯಾಗಿದೆ ಹೊಸತನದ ಖುಷಿಯೂ.

ಹೊಸತು ಹೊಸತುಗಳ ಜೊತೆಗೆ ಮತ್ತೆ ಬಂದಿದೆ ಹೊಸ ವರುಷ,
ಯುಗ ಯುಗಗಳೇ ಉರುಳಿದರು ಮತ್ತೆ ತಂದಿದೆ ಹೊಸ ಹರುಷ,
ಈ ಸೃಷ್ಟಿಯ,ಈ ಪ್ರಕೃತಿಯ ಜೀವಂತಿಕೆಯಾಗಿ ಮೆರೆದಿದೆ ಯುಗಾದಿ,
ಸುಖ ದುಖಃಗಳ ಸಮ್ಮಿಲನದ ಬೇವು ಬೆಲ್ಲವ ಸವಿಯೋಣ ಬನ್ನಿ...