ಧ್ಯೇಯವೊಂದೇ...

ನದಿಗಳು ಸಾವಿರ ಇರಬಹುದು
ಹರಿಯುವ ನೀರು ಒಂದೇನೇ,
ಧುಮ್ಮಿಕ್ಕುವ ವೇಗವು ಬೇರೆ ಇರಬಹುದು
ಕಾಣದ ಕಡಲನು ಸೇರುವ ಗುರಿಯೂ ಒಂದೇನೇ.

ನೂರಾರು ಬಣ್ಣಗಳಿರಬಹುದು ಅರಳೋ ಹೂವಿಗೆ
ನಕ್ಕು ನಗಿಸೋ ರೀತಿ ಒಂದೇನೇ,
ಸೂಸುವ ಪರಿಮಳ ಬೇರೆ ಇರಬಹುದು
ಮಧುವಾಗುವ ಮಕರಂಧ ಒಂದೇನೇ.

ಮರಗಳು ಸಾವಿರ ಇರಬಹುದು
ಕೊಡುವ ನೆರಳು ಒಂದೇನೇ,
ಫಲಗಳು ಬೇರೆ ಇರಬಹುದು
ಬದುಕುವ ಸಾಥ೯ಕ್ಯ ಒಂದೇನೇ.

ದೇವರು ಸಾವಿರ ಇರಬಹುದು

ಮನಸಿನ ಭಕ್ತಿಯು ಒಂದೇನೇ,
ಪೂಜಿಸೋ ರೀತಿಯು ಬೇರೆ ಇರಬಹುದು
ಅಪ೯ಣಾ ಭಾವವು ಒಂದೇನೇ.

ಮನಸುಗಳು ಸಾವಿರ ಇರಬಹುದು
ದೇಹದಿ ಹರಿಯುವ ರಕ್ತವು ಒಂದೇನೇ,
ಆಚಾರವಿಚಾರಗಳು ಬೇರೆ ಇರಬಹುದು
ಕೊನೆಯಲಿ ಸೇರುವ ಗಮ್ಯವು ಒಂದೇನೇ.