ಕಾಮನಬಿಲ್ಲು...

ಬದುಕೇ ನೀನು ಕಾಮನಬಿಲ್ಲು
ಬಣ್ಣ ಬಣ್ಣದಾ ಚಿತ್ತಾರ ನಿನ್ನ ತುಂಬೆಲ್ಲಾ,
ನಗುವಿಗೆ ಇಲ್ಲಿ ನೂರು ಬಣ್ಣ
ನೋವಿಗೆ ಇಲ್ಲಿದೆ ಬರೀಯ ಕಪ್ಪುಬಣ್ಣ.

ಕೋಪಕ್ಕೆ ಕೊಟ್ಟೆ ಕಡುಕೆಂಪು ಬಣ್ಣ
ಶಾಂತಿಯ ಜೊತೆಗಿದೆ ಶ್ವೇತವಣ೯,
ಪ್ರೀತಿಗೆ ಕೊಡಲಿ ಯಾವ ಬಣ್ಣ
ಬೆರೆಸಿಬಿಡಲೇ ನಿತ್ಯ ಸಂಮೃದ್ಧಿಯ ಹಸಿರು ಬಣ್ಣನಾ.

ಸ್ವಾಭಿಮಾನಕೆ ಬಳಿದೆ ಕೇಸರಿ ಬಣ್ಣ
ಮನಸ ವೇಗಕೆ ಬರೆದೆ ನೀಲಿಯ ವಣ೯,
ತ್ಯಾಗಕ್ಕೆ ಬರೆಯಲಿ ಯಾವ ಬಣ್ಣ
ಬರೆದು ಬಿಡಲೇ ಬೆಳಕಿನ ಬಣ್ಣ.

ಹುಸಿ ಮುನಿಸಿಗೆ ಬರೆದೆ ಕಂದು ಬಣ್ಣ
ತುಂಟತನಕೆ ಬಳಿದೆ ನಸುಗೆಂಪು ಬಣ್ಣ,
ಸ್ನೇಹಕ್ಕೆ ಕೊಡಲಿ ಯಾವ ಬಣ್ಣ
ಬೆರೆಸಿಬಿಡಲೇ ನೂರೆಂಟು ಬಣ್ಣ.

ಆಸೆಗೆ ಇಲ್ಲಿ ಹತ್ತಾರು ಬಣ್ಣ
ಒಲವಿಗೂ ಇಲ್ಲಿದೆ ಒಂದು ಬಣ್ಣ,
ಕನಸುಗಳಿಗೆ ಕೊಡಲಿ ಯಾವ ಬಣ್ಣ
ಚೆಲ್ಲಿಬಿಡಲೇ ಎಲ್ಲಾ ಬಣ್ಣಗಳನ್ನಾ...