ಅವಳಿಗೆ....

ಇಂದಿನ ಕನಸದು ನಾಳೆಯ ಬಯಸಿದೆ
ಹಿಂದಿನ ಕನಸದು ಇಂದು ಮೈ ಮರೆತಿದೆ,
ಬದುಕೇ ಕನಸಮ್ಮಾ ಬದುಕೊಳಗೆ ಕನಸಮ್ಮಾ
ನಿನ್ನ ಪ್ರೀತಿ ಪಡೆಯೊಕೆ ಪ್ರೇಮಿ ನಾನಮ್ಮಾ.

ದೂರದಿ ನಿಂತರೂ ಸರಿ ಹತ್ತಿರ ಆದರೂ ಸೈ
ನಾನು ನಿನ್ನವನಾಗೋಕೆ ನಿನ್ನಾ ನಗೆಯದು ಸಾಕಮ್ಮಾ,
ಪ್ರೀತಿ ಹೆಸರಲಿ ನನ್ನೆದೆಯ ದೀಪವು ನೀ
ಬೆಳಗು ನಿತ್ಯವೂ ನೀ ಎನ್ನ ಕನಸಾಗಿ.

ಉಸಿರು ನಿಂತರೂ ಸರಿ ನನ್ನೇ ಮರೆತರೂ ಸೈ
ನಾನು ನಿನ್ನವನು ಈ ಪ್ರೀತಿ ಪರಧಿಯಲಿ,
ಹರಸು ನೀ ಬಂದು ನನ್ನಾ ಕನಸುಗಳ
ನೀ ಬೇಕೇ ಬೇಕಮ್ಮಾ ನನ್ನಾ ಬದುಕಾ ನಾಳೆಯಲಿ.

ಮುನಿದು ನಿಂತರೂ ಸರಿ ಕಾದು ಕೂರುವೆ ನಾ
ಒಲಿದು ನೀ ಬರುವರೆಗೂ ಒಂಟಿಯೂ ನಾ ಬದುಕಲ್ಲಿ,
ಮುನಿಸನು ಕರಗಿಸು ಲಜ್ಜೆಯ ಮರೆಯಿಸು
ನಾನು ಎಂದೂ ನಿನ್ನವನು ನಿನಗಾಗೇ ಕಾಯುವೆನು.

ಪ್ರೀತಿಯ ನಗುವೇ ನೀ ಒಲವಿನ ಚಿತ್ತಾರವೇ
ಬದುಕಲಿ ಕನಸನು ಬೆರೆಸಲು ಬಾರೆಯಾ,
ಒಲವ ಹುಡುಗಿಯೇ ಪ್ರೀತಿಯ ದೇವತೇ
ಬಾಳು ಬೆಳಗೋಕೆ ಜೊತೆಯಾಗಿ ಬಾರೆ ನೀ.