ಹೇ ಭಗವಂತ...

ಬದುಕಿಗೆ ಪ್ರೀತಿಯೇ ಇಲ್ಲಿ ತಕಧಿಮಿತ
ಪ್ರೀತಿಗೆ ನಂಬಿಕೆಯೇ ಕಾಗುಣಿತ,
ನೆನಪನ್ನು ನೆಪವಾಗಿಸು ಭಗವಂತ
ಬದುಕಲ್ಲಿ ಕರುಣಿಸು ನೀ ಜೀವದಾ ಸೆಳೆತ...

ದೇಹದ ಜೊತೆಗಿದೆ ಉಸಿರಿನಾ ಕುಣಿತ
ಉಸಿರು ಇರುವರೆಗೂ ದೇಹದಾ ಮಿಡಿತ,
ಬದುಕನ್ನೇ ಭಕ್ತಿಯಾಗಿಸುವೆ ಹೇ ಭಗವಂತಾ
ಹರಸು ನೀನಿಂದು ಬದುಕಿನಾ ಈ ತುಡಿತ...

ಸ್ನೇಹಕ್ಕೂ ಪ್ರೀತಿಗೂ ಇಲ್ಲಿ ಒಡನಾಟ
ಬದುಕಿದು ಸಂಬಂಧಗಳ ಸರಿಗಮಪ,
ಮನಸನ್ನೇ ಸಂಗೀತವಾಗಿಸು ಹೇ ಭಗವಂತ
ಭಾವಗಳ ಬೆಸೆದು ಹರಸು ಈ ಜೊತೆಯಾಟ...

ಕನಸಿಗೂ ಮನಸಿಗೂ ಇಲ್ಲಿ ಕಣ್ಣಮುಚ್ಚಾಲೆ
ಕದ ತೆರೆದು ಒಳ ಕರೆಯುವೆ ಈ ಮನಸಿಗೆ,
ಮನಸಿನ ವ್ಯಥೆ ಕೇಳು ಓ ಭಗವಂತ
ಕನಸಿಗೆ ಕನಿಕರಿಸು ನೀ ಹೇ ವಿಧಾತ...

ಕತ್ತಲೆಗೂ ಬೆಳಗಿಗೂ ಜೊತೆಯಾಟ ಈ ಬದುಕು
ಉರಿಸಿಡುವೆ ಅದಕೆಂದೇ ಜ್ಞಾನದ ಬೆಳಕೊಂದ,
ಹರಸು ನೀ ಎಂದೂ ಹೇ ಭಗವಂತ
ಬೆಳಕಲ್ಲೇ ಮುನ್ನಡೆಸು ಈ ಬದುಕನ್ನ....