ಪಯಣ....

ಹೊಸತೊಂದು ಪಯಣ ಶುರುವಾಗಿದೆ ಈಗ
ಹರಸು ಬದುಕೇ ನೀನೀಗ ಇಲ್ಲಿ,
ಹೊಸತೊಂದು ಕನಸು ಹಳೆಯ ಭಾವಗಳ ಜೊತೆಗೆ
ಜೀವನದ ಪಯಣ ದೂರ ತೀರದ ಕಡೆಗೆ...

ಒಲವಿಲ್ಲಿ ಇಂದು ಸಾರಥಿಯಾಗಿರೇ
ಬದುಕ ತೇರಲ್ಲಿ ಕಾಲವ ಮರೆತು,
ಕಾಲನ ಕರೆಗೂ ಓಗೂಡದು ಮನಸು
ಪ್ರೀತಿಯೆಂಬ ಅಮೃತವೂ ಜೊತೆಯಲ್ಲಿರೆ...

ಕನಸುಗಳು ನೂರು ಕನವರಿಸುತ್ತಿರೆ ಮನವೂ
ಒಂಟಿತನದ ಭಾವವಿಲ್ಲಿ ಶೂನ್ಯ,
ಬದುಕಿಲ್ಲಿ ಸರಿದಿದೆ ಸದ್ದಿಲ್ಲದೇ
ಜೊತೆಯಾಗೊ ಜೊತೆಗಾರರ ಅರಿವಿಲ್ಲದೇ...

ಅರಳೋ ನಾಳೆಗಳು ಸ್ವಾಗತಿಸಿವೆ ಕೈ ಬೀಸಿ
ಮರುಳು ಮನಸೀಗೆ ಸಂಕ್ರಾಂತಿಯೂ,
ನಿನ್ನೆಯನು ಮರೆತ ಮನಸೀಗ ನಿರ್ಮಲ
ನಾಳೆಗಳ ಮಡಿಲೊಳಗೆ ಜಾರಿ ಹೋಗುತಾ...

ಒಲವೊಂದು ಕನಸು ಈ ಬದುಕಲಿ
ಮನಸಿನ ಹರುಷಕ್ಕೆ ಕಾರಣವೂ,
ಒಲವ ಲೋಕದ ಪಯಣ ವಾಸ್ತವದ ಮೇರೆ ಮೀರಿ
ನಿನ್ನೆಗಳ ಮರೆಸಿ ನಾಳೆಗಳ ಮೆರೆಸುತ್ತಿದೆ ಬದುಕು...