ಬದುಕೇ...

ಮೂರು ದಿನದ ಬದುಕೇ
ಮುನಿಸು ಇಲ್ಲಿ ಏಕೆ,
ಹುಟ್ಟು ಸಾವಿನೊಳಗೂ
ಕೊಳಕ ಹುಡುಕೋದ್ಯಾಕೆ...

ಸದಾ ಅರಳೋ ಮನಸೇ
ನಿನ್ನೊಳಗೆ ಈ ದ್ವೇಷವೇಕೆ,
ನಗುವ ತುಟಿಯ ಕೆಳಗೂ
ಅಡಗಿಸಿದೆ ಮಾತ್ಸರ್ಯವನೇಕೆ...

ದಿನಾ ಹುಟ್ಟುವ ಕನಸೇ
ನಿನಗಿಷ್ಟು ಆಸೆ ಏಕೆ,
ಆಸೆ ಕಂಗಳ ಜೊತೆಗೆ
ಪರರ ನಗುವ ಕದಿಯೋದೇಕೆ...

ಮೂರು ದಿನದ ಬದುಕೇ
ನಿನಗೆ ನೂರು ದಾರಿ ಏಕೆ,
ಸುಳ್ಳಿನ ಹಾದಿಯ ಮೇಲೆ
ನಿನಗೆ ಸದಾ ಒಲವು ಏಕೆ...

ಮನದ ತುಂಬೆಲ್ಲಾ ಮೌನ
ನೆರಳಂತೆ ಇಲ್ಲಿ ಅನುಮಾನ,
ಪ್ರೀತಿಯ ಹೆಸರಲ್ಲಿ ಅವಮಾನ
ಬದುಕೇ ನೀ ಮಾಗುವುದು ಯಾವಾಗ...