ದೀಪವೂ ನಿನ್ನದೇ...

ಬದುಕಿಲ್ಲಿ ಒಲವಿನಾ ದೀಪದಂತೆ

ಬೆಳಗಬೇಕಿಲ್ಲಿ ಊರ ಸಂತೆ,

ಕತ್ತಲೆಯ ಕಳೆಯಬೇಕು ಇಲ್ಲಿ

ಮನಸಿನ ಅಂಗಳವ ಬೆಳಗಬೇಕು...

ಮೂರು ದಿನದ ದೀಪವಂತೆ

ವಿಧಿಯೆಂಬ ಗಾಳಿಯ ಜೊತೆಗೆ,

ಕರ್ಮವೇ ಎಣ್ಣೆಯೆಲ್ಲಿ

ಸುಡದಾ ಬೆಂಕಿಯಾ ಮಾಯೆಯಲ್ಲಿ...

ದೀಪದಾ ಕೆಳಗಿಲ್ಲಿ ನೆರಳಂತೆ

ಕಾಲದ ಕಾರ್ಮೋಡ ಕವಿದಂತೆ,

ಕಷ್ಟ ಸುಖಗಳ ಪಾಡು ಮೋಡದಂತೆ

ಭರವಸೆಯೇ ಬೆಳಕಿನಾ ರಕ್ಷೆಯಂತೆ...

ಸಂವತ್ಸರಗಳ ಕಾಲ ಬೆಳಗಬೇಕು

ಬದುಕಿನಾ ದೀಪವೂ ಆರದಂತೆ,

ಕೋಟಿ ಕನಸುಗಳ ಹಾದಿಯಲ್ಲಿ

ಚಿತ್ತಾರ ಬರೆಯಲಿ ಮನಸು ಇಲ್ಲಿ...