ದೀಪಾವಳಿ...

ಹಚ್ಚುವೆನು ನಾನೊಂದು ಹಣತೆ 

ಬೆಳಗಬೇಕಿಲ್ಲಿ ಓ ಬೆಳಕೇ,

ಮನದ ಅಂಗಳವ ತುಂಬಿ 

ನಾಳೆಗಳು ನಗುವಂತೆ...

ಬೆಳಗಬೇಕಿಲ್ಲಿ ಭರವಸೆಯ ಜ್ಯೋತಿ 

ಕನಸುಗಳು ನಲಿದಾವು ನೋಡಿ,

ಉರಿಯಬೇಕಿಲ್ಲಿ ನೀ ದೀಪವಾಗಿ 

ಮನದ ಅಂಗಳದ ಜ್ಞಾನ ದೀವಿಗೆಯಾಗಿ...

ಪ್ರೀತಿಯಿಂದಲಿ ಹಚ್ಚುವೆನು ನಿನ್ನಾ 

ಪ್ರೀತಿಯ ಹಂಚಬೇಕಿಲ್ಲಿ ಬೆಳಗೇ,

ಮಾನ ಅವಮಾನಗಳ ಪರದೆ ಸರಿಸಿ 

ಬೆಳಗಬೇಕಿಲ್ಲಿ ನೀ ಬದುಕಾ...

ಹಚ್ಚುವ ದೀಪವಿದು ಬರಿಯ ದೀಪವಲ್ಲ 

ಹತ್ತಾರು ಕನಸುಗಳ ಒಂದು ಮಿಂಚು,

ಕಾಲ ಸರಿದು ಹರಿಯಲಿ ದೂರ ದೂರ 

ಬೆಳಗುತಿರಲಿ ಬದುಕು ಬೆರಗಿನಿಂದ....