ನೆನಪೆಂಬ ಅಮೃತ...

ನೆನಪುಗಳೇ ಹಾರ ಬದುಕ ಯಾತ್ರೆಯಲಿ 

ನೆನಪುಗಳೇ ಭಾರ ಕಾಲ ಸರಿದಂತೆ,

ನೋವಿದ್ದರೂ ನಲಿವಿದ್ದರೂ ಸರಿಯೇ 

ನೆನಪುಗಳೇ ಜೊತೆಯಿಲ್ಲಿ ಕೊನೆವರೆಗೆ...

ನಿನ್ನೆಯ ಸಂಭ್ರಮ ಈ ನೆನಪು 

ನಾಳೆಗಳ ಕನಸೇ ಇಲ್ಲಿ ಕಂಗೊಳಿಸು,

ಕಣ್ಣಹನಿ ಬಿಂದುವು ಆ ನೆನಪು 

ಬದುಕಲಿ ಕಥೆಗಾರ ಕೊನೆವರೆಗೂ...

ಬದುಕಿನ ಸಡಗರವೇ ನೆನಪು 

ಸವೆಯುವ ಹೆಜ್ಜೆಗಳ ಗುರುತು,

ನಾಳೆಯೆಂಬ ಕಾಣದ ಕಡಲಿಗೆ 

ದಿಕ್ಷೂಚಿ ನಿನ್ನೆಗಳಾ ಆ ನೆನಪು...

ಮೊದಲ ಪ್ರೀತಿ ಒಂದು ನೆನಪು 

ಮನಸು ಜಾರಿಹೋದ ಕ್ಷಣಗಳವು,

ಕಳೆದು ಹೋದ ಬಂಧಗಳು 

ಬದುಕಿನ ಅಮೃತಕಾಲ ಆ ನೆನಪುಗಳು...