ನಕ್ಕರೆ ಸ್ವರ್ಗ...

ನಗುವಿನ ಹಾಸಿಗೆ ಬದುಕಿದು ಹಾಸಿದೆ 

ಮನಸಿನ ಮನೆಯೊಳು ಭಾವವ ಹೊಸೆಯುತಾ,

ಕನಸಿನ ಲೋಕದಿ ಕನವರಿಸುತ ಈ ಮನ 

ಚಿಟ್ಟೆಯ ಹಾಗೆ ಹಾರುತಾ ಕಳೆದಿದೆ...

ಬದುಕಿದು ಬೃಂದಾವನ ನಗುವೂ ಜೊತೆಗಿರೆ 

ಮನಸೇ ನಂದನ ಕನಸದು ಮುಡಿದಿರೆ,

ತೂಗುವ ತೊಟ್ಟಿಲು ಮನಸಿನ ಬಟ್ಟಲು 

ನಗುವೇ ಶೃಂಗಾರ ಬದುಕಿನ ನಾಳೆಗೆ...

ಮರೆಯುತ ಚಿಂತೆಯಾ ಮರೆಸುತ ಬದುಕನು 

ನಗುವಿನ ತೋಟದಿ ನಡೆದಿರೆ ಬದುಕಿದು,

ಮೆರೆಸುತ ಪ್ರೀತಿಯಾ ಮನಸ ತೊಟ್ಟಿಲು 

ಹಾಡಿದೆ ನಗುವಿನ ಹೊಸ ರಾಗ...

ಮೌನದ ಹಾದಿಗೆ ನಗುವೇ ದೀಪವೂ 

ಮಾತಿನ ಹಾಡಿಗೆ ನಗುವಿದು ಸಂಗೀತವೂ,

ನಗುವೇ ಭಾಗ್ಯವು ನಗುವುದೇ ಆರೋಗ್ಯವೂ 

ಬದುಕಿದು ಮೆರೆಯಲಿ ನಾಳೆಗಳ ನಾಳೆಯೊಳಗೂ...