ಅಮೃತಧಾರೆ...

ನೂರು ಸಾವಿರ ಖುಷಿಯೊಳಗೂ 

ಎದೆಯ ಇರಿಯುವ ನೋವಿಹುದು,

ಒಗಟ ಹೇಳಿದೆ ಬದುಕಿಲ್ಲಿ 

ಬಿಡಿಸಲಾರದೆ ತೋಳಲಾಡಿದೆ ಮನಸಿಲ್ಲಿ...

ನೂರು ಸಾವಿರ ನೆನಪೊಳಗೂ 

ಕಣ್ಣೀರನು ತರಿಸುವ ಕಥೆಯಿಹುದು,

ಬಾನನು ಮುಟ್ಟುವ ಹಂಬಲದೀ 

ಆಸೆಗಳಿಲ್ಲಿ ಮರೀಚಿಕೆಯೂ...

ಏಳು ಸಾಗರದ ಆಳದಲೂ 

ಹುಡುಕಿದೆ ಮನಸು ಮುತ್ತೊಂದ,

ಮರೆವನು ಮರೆಸೋ ಮದ್ದೊಂದ

ಬಯಸಿದೆ ಬದುಕಲಿ ಮನಸಿಂದು...

ನೂರು ಸಾವಿರ ಕನಸುಗಳು 

ಹುಡುಕಿವೆ ಅನಂತ ಆಗಸದಿ,

ಕಾಣದ ನಾಳೆಗಳ ಸಂಭ್ರಮಿಸೋ 

ಅಮೃತಧಾರೆಯ ಮಳೆ ಹನಿಗಳನೂ...