ಅಲೆಮಾರಿ...

ಕೊನೆಮೊದಲಿಲ್ಲದ ಬದುಕಿನ ಬಯಲೊಳಗೆ 

ಸಾವಿರ ನೆನಪುಗಳ ಭಾರವ ಹೊತ್ತು,

ಕಾಣದ ನಾಳೆಗಳ ಹುಡುಕುತ್ತಾ 

ನಿಲ್ಲದ ಸಮಯವ ಸವೆಸುವ ಸೋಮಾರಿ...

ನೂರು ನೋವುಗಳ ಜೊತೆಗೆ ಗುದ್ದಾಡಿ 

ಒಂದು ಖುಷಿಯಾ ಬೆನ್ನೇರಿ,

ತಿರುಗೋ ಈ ಭುವಿಯಲ್ಲಿ 

ಇರುವನ್ನೇ ಮರೆತ ಸುತ್ತಾಟ...

ಅಳುವ ನುಂಗಿ ನಗುವ ಬೀರುತ 

ಮೈಮರೆತು ಬದುಕ ಬಯಲೊಳಗೆ,

ಕನಸ ಮರೆತು ಏಕಾಂಗಿಯಂತೆ 

ಬದುಕು ಇಲ್ಲಿ ಅಲೆಮಾರಿ...

ಮೂರು ದಿನದ ಯಾತ್ರೆಯಲಿ 

ನೂರು ತರದ ಮುಖವಾಡ,

ಕಾಮನಬಿಲ್ಲನೇ ನಾಚಿಸುವ 

ಬಣ್ಣಗಳ ಓಕುಳಿಯಾಟ...