ಅರಳಲಿ ನಾಳೆಗಳು...

ಸುಮ್ನೆ ಸುಮ್ನೆ ನಗುವಾಗಲೆಲ್ಲ 

ನಿನ್ನ ನೆನಪೇ ಕಾಡಿದೆ ಬದುಕೇ,

ಜೊತೆಗೆ ಇದ್ದರೂ ಇರಲಾರದಂತೆ 

ಕಾಲ ಇಲ್ಲಿ ದೂರ ದೂರ ಸೆಳೆದಿದೆ...

ಬದುಕು ಬದಲಾಗಲಿಲ್ಲ ಮನಸೇ

ನೋಟ ಬದಲಾಯಿತಷ್ಟೇ,

ಹಳೆಯ ಗಾಯವ ಮರೆತು 

ಹೊಸತೊಂದಕೆ ಹಾತೊರೆಯುವಂತೆ...

ಬದುಕು ಭರವಸೆಯ ಹಾಡು 

ನೂರು ಗೀರುಗಳ ನಡುವೆ,

ನಲಿವಿರಲಿ ನೋವಿರಲಿ 

ನೀನು ಗುನುಗಲೇ ಬೇಕು ಮನಸೇ...

ಹೊಗಳಿಕೆಗೆ ಬದುಕು ಬದಲಾಗೋದಿಲ್ಲ

ನಿಂದಿಸಿದರು ಬೇಜಾರಿಲ್ಲ ಇಲ್ಲಿ, 

ಮುಂದಡಿಯಿಡುವ ಹೆಜ್ಜೆಯಿರೆ ಸಾಕು 

ನಾಳೆಗಳೆಲ್ಲ ನಗುವವು ನೋಡು...