ಪ್ರೀತಿಯ ಮಳೆಯಾಗು...

ಮಳೆಯಾಗಿ ನೀನು ಬರಬಾರದೇನು,
ಒಲವಾಗಿ ಈ ಮನವ ತಣಿಸಬಾರದೇನು,

ಭಾವನೆಯ ಜೊತೆಯಾಗಿ ಮಿಡಿಯುವೆನು ನಾನು.

ತಂಗಾಳಿಯಾಗಿ ನೀ ಸುಳಿಯಲಾರೆಯೇನು,
ಈ ಮನಕೆ ಮುದವ ನೀ ನೀಡಬಾರದೇನು,
ಮನಸಾಗಿ ಜೊತೆಗೆ ಸಾಗುವೆನು ನಾನು.

ಬೆಳದಿಂಗಳಾಗಿ ನೀ ಸುರಿಯಬಾರದೇನು,
ಹಿತವಾಗಿ ಈ ಮೈಯ ಬಳಸಬಾರದೇನು,
ಮುದ್ದಾದ ಕನಸೊಂದ ಬೆಸೆಯುವೆನು ನಾನು.

ಈ ಪ್ರೀತಿಯ ಗುಡಿಗೆ ದೈವ ನೀನಾಗಬಾರದೇನು,
ಒಲವಾಗಿ ನನ್ನ ಬಾಳ ನೀಬೆಳಗಲಾರಯೇನು,
ಬದುಕಿನ ಜೊತೆಗೆ ಉಸಿರಾಗುವೆನು ನಾನು.