ನಲಿದಾಡು ತಾಯಿ ಶಾರದೆ...

ನವರಾತ್ರಿಯ ಶುಭಾಶಯಗಳೊಂದಿಗೆ....

ನಲಿ ನಲಿದಾಡು ಶಾರದೆ
ಎನ್ನ ನಾಲಿಗೆಯೊಳು ನೀನು,
ಒಳ್ಳೆಯ ಮಾತುಗಳನ್ನಾಡಿಸು ತಾಯೇ
ಕುಣಿ ಕುಣಿದಾಡು ಶಾರದೆ.

ನಲಿ ನಲಿದಾಡು ಶಾರದೆ
ಎನ್ನ ಎದೆಯೊಳಗೆ ನೀನು,
ಒಳ್ಳೆಯ ಭಾವನೆಗಳನರಳಿಸು ತಾಯೇ
ಕುಣಿ ಕುಣಿದಾಡು ಶಾರದೆ.

ನಲಿ ನಲಿದಾಡು ತಾಯಿ ಶಾರದೆ
ಎನ್ನ ಮಸ್ತಕದೊಳು ನೀನು,
ಒಳ್ಳೆಯ ಚಿಂತನೆಯ ರೂಪಿಸು ತಾಯೇ
ಕುಣಿ ಕುಣಿದಾಡು ಶಾರದೆ.

ಒಳ್ಳೆಯ ಕೆಲಸವ ಮಾಡಿಸು ತಾಯೇ
ಬ್ರಹ್ಮನ ರಾಣಿ ಸರಸ್ವತಿಯೇ,
ವಿದ್ಯಾಧಿದೇವತೆಯೇ ತಾಯಿ
ನಲಿ ನಲಿದಾಡು ಶಾರದೆ.

ಜ್ಞಾನದ ಜ್ಯೋತಿಯ ಬೆಳಗಿಸು ತಾಯೇ
ಎನ್ನ ಮಸ್ತಕದೊಳಗೆ ಶಾರದೆ,
ಬಾಳಜ್ಯೋತಿಯ ಬೆಳಗಿಸೇ ತಾಯಿ
ಕುಣಿ ಕುಣಿದಾಡು ಶಾರದೆ.

ನಲಿ ನಲಿದಾಡು ಶಾರದೆ
ಸಂಗೀತ ಸರಸ್ವತಿಯೇ ತಾಯಿ,
ಎನ್ನ ಹೃದಯ ಮಂದಿರದಲಿ ನೆಲೆಸಿ
ಕುಣಿ ಕುಣಿದಾಡು ತಾಯಿ ಶಾರದೆ.

ಅಹಂಕಾರದ ಕತ್ತಲೆಯಾ ಸರಿಸು
ಎನ್ನ ಕಂಗಳ ಪೊರೆಯಾ ಅಳಿಸು,
ಬ್ರಹ್ಮಾಂಡ ಜನನಿ ನೀನು
ಎನ್ನ ನಾಲಗೆಯೊಳು ನಲಿ ನಲಿದಾಡಬಾರದೆ.