ಕನಸೇ...

ಅರಳು ಓ ಕನಸೇ
ನನ್ನೆದೆಯಾ ನೆಲದೊಳಗೆ,
ಹರಿಸಿ ಒಲವಿನ ಹರುಷ
ಹರಸು ಬಾ ಬದುಕನು...

ಮಿಂಚಾಗಿ ಬಾ ಬದುಕಲಿ
ತುಂತುರು ಸಿಂಚನವಾಗಲಿ ಮನಸಿಗೆ,
ಬರಡಾದ ಮನವೀಗ ಮೆದುವಾಗಲಿ
ನೂರು ಆಸೆಗಳ ಮತ್ತೆ ಕನವರಿಸಲಿ...

ಕಾರಣವು ಬೇಕೀಗ ಈ ನಗುವಿಗೆ
ಮಗುವಾಗಿ ನಲಿವಾಸೆ ಈ ಬದುಕಿಗೆ,
ನಗುವಲ್ಲೆ ಗೆಲುವಾಸೆ ಈ ಬದುಕಿಗೆ
ನಾಳೆಗಳ ನಲಿವಾಗು ನೀ ಬದುಕಿಗೆ...

ಹೃದಯದಾ ದನಿ ನೀನು ಓ ಕನಸೇ
ಪ್ರತಿ ಮಿಡಿತಕ್ಕೂ ಹೆಸರಿಲ್ಲಿ  ಕನಸಾಗಿದೆ,
ಉಸಿರಿಗೂ ಪ್ರೇರಣೆ ನೀನಲ್ಲವೇ
ನಿನ್ನೊಳಗೆ ಸುಂದರ ಬದುಕಿಲ್ಲಿದೆ...

ಬದುಕಲ್ಲಿ ಭರವಸೆಯು ನಿನ್ನಿಂದಲೇ
ಮನಸಿಲ್ಲಿ ಅಪೂರ್ಣ ನೀನಿರದಿರೆ,
ನಾಳೆಗಳ ನಗುವಾಗು ಓ ಕನಸೇ ನೀ
ಬದುಕಿಲ್ಲಿ ಪರಿಪೂರ್ಣ ನಿನ್ನೊಂದಿಗೆ...