ಭಾರವಾಗದಿರಲಿ ಬದುಕು...

ಪ್ರತಿ ಜನುಮಕ್ಕೂ ಹಿಂದಿನ ಕಥೆಯೊಂದಿದೆ
ಪ್ರತಿ ಜೀವಿಯ ಬದುಕಲ್ಲೂ ವ್ಯಥೆ ನೂರಾರಿದೆ,
ಹೃದಯಕ್ಕೂ ಅದರದ್ದೇ ಮಿಡಿತಾ ಇದೆ
ಪ್ರತಿ ಮಿಡಿತಕ್ಕು ಕಾರಣವೂ ಬೇಕಾದಷ್ಟಿದೆ...

ಓಡುವಾ ಕಾಲಕ್ಕೂ ಅದರದ್ದೇ ನಿಯಮಾ ಇದೆ
ಆ ವಿಧಿಗೂ ಕೂಡ ಒಂದು ನಿಯತಿ ಇದೆ,
ಬೆಳಗೊ ಸೂರ್ಯನಿಗೂ ಒಮ್ಮೆ ಗ್ರಹಣಾ ಇದೆ
ಓ ಬದುಕೇ ನಿನಗಿಲ್ಲಿ ನೋವಿನಾ ಪಾಠ ಇದೆ...

ಬರೀ ಮೂರು ದಿನಗಳ ಓಟ ಬದುಕಲ್ಲಿದೆ
ಆಸೆಗಳ ಮೂಟೆ ಮಾತ್ರ ಕೊನೆ ಕಾಣದಷ್ಟಿದೆ,
ನಿರೀಕ್ಷೆಗಳ ಹೊರೆಯಂತೂ ತುಸು ಭಾರವಾಗಿದೆ
ಭಾರಗಳ ಹೊರಲಾರದೆ ಬದುಕಿಲ್ಲಿ ಚಡಪಡಿಸಿದೆ...

ಪ್ರೀತಿಯಿಲ್ಲದೆ ಬದುಕು ಬರಡಾಗಿದೆ
ಮನಸೊಳಗೆ ಒಲುಮೆಯಾ ಬೆಳೆ ಬೆಳೆಯಬೇಕಾಗಿದೆ,
ಹೃದಯದಾ ಕದವೀಗ ತೆರೆಯಬೇಕಾಗಿದೆ
ಬದುಕಿನಾ ಭಾರಗಳ ತುಸು ಇಳಿಸಬೇಕಾಗಿದೆ...