ಅರಮನೆ...

ಹಳೆಯ ಮನೆಯ ಕೆಡವಿ 

ಹೊಸತೊಂದು ಗೂಡನು ಮಾಡೇ,

ಹೆಮ್ಮೆಯಪಡುತಲಿರಳು ಮನದಿ

ಹಳೆಯ ನೆನಪುಗಳು ಬಿಕ್ಕಿದವಿಲ್ಲಿ...

ಹಳೆಯ ಗೋಡೆಗಳ ಒಡೆದು

ಒಡಲ ಬಂಧಗಳ ತೊಡೆದು,

ಹೊಸತನದ ಗರ್ವದಲಿ ಬೀಗುತಿರಲು

ಭಾವಗಳೇ ಖಾಲಿ ಖಾಲಿ ಮನಸಿನಂಗಳದಿ...

ಹೊಸತು ಎಲ್ಲವನು ಜೋಡಿಸಿ

ಹಳೆಯದೆಲ್ಲವನು ಮೂಲೆಗೆ ತಳ್ಳಿ,

ಹಳೆಯ ಚಿತ್ರಗಳಿಗೆಲ್ಲ ಗೆದ್ದಲು ಹಿಡಿಯೇ

ನೆನಪುಗಳ ಬೇರುಗಳು ಅಲುಗಾಡಿದಂತೆ...

ನಾನೆಂಬ ಭಾವದೊಳು ಇಲ್ಲಿ

ಹೊಸತನವ ಹುಡುಕಿ ಲೋಕದೊಳು,

ನೆನಪುಗಳ ಬೇರ ಕಿತ್ತುಹಾಕಿ

ಬದುಕು ಅಳುತಿಹುದು ಒಂಟಿಯಾಗಿ...