ಅನಂತದೆಡೆಗೆ...

ಈ ಬದುಕು ಇಲ್ಲಿ ಸಣ್ಣದಂತೆ

ಬ್ರಹ್ಮಾಂಡದ ಅನಂತ ಯಾತ್ರೆಯಲಿ,

ಈ ದೇಹವೊಂದು ಬಟ್ಟೆಯಂತೆ

ಆತ್ಮದ ದೀರ್ಘ ಪ್ರಯಾಣಕೆ...

ಸಾವು ಇರದ  ದೇಹವಿಲ್ಲ

ನೋವು ಇರದ ಬದುಕು ಇಲ್ಲ,

ಆತ್ಮಕ್ಕೆ ಯಾವ ನಂಟು ಇಲ್ಲ 

ದೇಹ ಕೊರಡು ಬಿಟ್ಟು ಹೊರಡೋವಾಗ...

ವಿಧಿಯು ಬೆಸೆದ ಕಾಲದ ನಂಟು

ಆತ್ಮ ದೇಹದ ನಡುವಣ ಗಂಟು,

ಸಂಚರಿಸಿದೆ ಉಸಿರಾಡುತಾ ಜಗದಿ

ಕರ್ಮ ಬೆಸೆದ ಆಯಸ್ಸಿನ ಗುಟ್ಟು...

ಆತ್ಮದ ಅನಂತ ಯಾತ್ರೆಯಿಲ್ಲಿ  

ಬೇರೆ ಬೇರೆ ದೇಹಗಳ ಜೊತೆಗೆ,

ಕೊನೆಯೋ ಮೊದಲೋ ತಿಳಿಯದಿಲ್ಲಿ 

ಮನುಜನೆಂಬ ಜನ್ಮದೊಳಗೆ...