ಅಂತರ್ಪಟ...

ಯಾರೋ ಓದಿ ಯಾರೋ ಬರೆದ 

ಸುಂದರ ಸಾಲುಗಳಲ್ಲ ಬದುಕು,

ಕಾಲಕ್ಕೆ ತೋಚಿ ಕಾಲವೇ ಗೀಚಿದ 

ವಿಧಿಯೆಂಬ ಓದಲಾರದ ಗ್ರಂಥವಿದು...

ಎಲ್ಲೋ ಹುಟ್ಟಿ ಎಲ್ಲೋ ಬೆಳೆದು

ಗಮ್ಯವ ಸೇರೋಕು ಬಗೆಯುಂಟು,

ಎಲ್ಲೋ ಮೆರೆದು ಎಲ್ಲವ ಮರೆತು 

ಹೊರಡುವ ಸಮಯವೂ ಇಲ್ಲುಂಟು...

ನೆನಪಿಗೂ ಭಾರ ಮರೆವಿಗೂ ಭಾರ 

ಕಾಡುವ ಕಾಲದ ಕಥೆಯಿಲ್ಲಿ,

ಬಂಧವ ಹಚ್ಚಿ ಭಾಂದವ್ಯ ಬೆಸೆದು 

ಚುಚ್ಚುವ ಸೂಜಿಯಾ ಮೊನೆಯಿಲ್ಲಿ...

ಯಾವುದೋ ದೇಹಕೆ ಯಾವುದೋ ಆತ್ಮ

ಕಾಲದ ಆಯ್ಕೆಯ ಕೈಪಿಡಿಯೊಳಗೆ,

ಜನನ ಮರಣದ ಚಕ್ರದ ಸುರುಳಿಯೊಳಗೆ

ಪಯಣವಿದು ನಿರಂತರ ಅಂತರಾತ್ಮದ್ದು...