ಭಾವ ಸಾಗರ...

ಬರಹಗಳೇ ನೀವು ಕುರುಹುಗಳು 

ಮನಸಿನ ಕನ್ನಡಿಯ ಪ್ರತಿಬಿಂಬಗಳು,

ಭವ ಸಾಗರದಿ ಜೀಕುವ ಬದುಕಿಗೆ 

ಭಾವ ಸಾಗರದಾಳದ ಮುತ್ತುಗಳು ...

ಕಥೆಗಳೇ ನೀವು ಮನಸಿನ ವ್ಯಥೆಗಳೇ 

ಚದುರಿದ ಕನಸುಗಳ ಬದುಕಲಿ,

ಅಕ್ಷರ ರೂಪದೆ ನೀವು ಪಾಠಗಳೇ 

ಎಲ್ಲೋ ಯಾರಿಗೋ ಈ ಜಗದೊಳಗೆ...

ಕವನಗಳೇ ಇಲ್ಲಿ ಮೇಘ ಸಂದೇಶ 

ಬದುಕಿನ ಪ್ರತಿ ಹೆಜ್ಜೆಯಲೂ,

ಪ್ರೀತಿಯಾ ಕನಸನು ಹೊತ್ತಿರುವ 

ಪ್ರತಿ ಜೀವಕೂ ನೀವು ಅಮೃತವೇ...

ಆಸೆಯ ಕಂಗಳ ಹೊಳಪಿನಲಿ 

ಅಕ್ಷರಗಳಾಗಿವೆ ಪದ ಭಂಡಾರ,

ಭರವಸೆ ತುಂಬಿದ  ಒಡಲೊಳಗೆ 

ಸರಿಗಮವೆಂದಿದೆ ಬದುಕಿನ ಸಾಹಿತ್ಯ...