ಹಾಡು ಪಾಡು...

ಒಂಟಿ ಹಕ್ಕಿಯ ಹಾಡಿದು 

ಹುಚ್ಚು ಮನಸಿನ ಪಾಡಿದು,

ನೋವು ಇಲ್ಲದ ಮನಸದು 

ನಗುವೇ ತುಂಬಿದ ಮೊಗವದು...

ಕೋಪವಿಲ್ಲ ಇಲ್ಲಿ ರೋಷವಿಲ್ಲ 

ಹೋರಾಟವಿಲ್ಲ ಇಲ್ಲಿ ಹಾರಾಟವಿಲ್ಲ,

ಬದುಕು ನಡೆಸಿದ ದಾರಿಯಲಿ 

ಹೆಜ್ಜೆಗಳಿಲ್ಲಿ ಸಾಗುತಿಹುದು...

ಪ್ರೀತಿಯಿದೆ ಇಲ್ಲಿ ಸ್ನೇಹವಿದೆ 

ಬದುಕ ತುಂಬಾ ಕನಸು ಇದೆ,

ಹುಚ್ಚು ಕನಸುಗಳ ಭರವಸೆಯಲಿ 

ಬದುಕು ನಾಳೆಗಳ ಪ್ರೀತಿಸಿದೆ...

ಬಂಧವಿದೆ ಇಲ್ಲಿ ಅನುಬಂಧವಿದೆ 

ಕಾಲದ ಜೊತೆಗಿನ ಸಂಭಂದವಿದೆ,

ನೋವಲ್ಲೂ ನಗುವ ಕಲೆಯಿದೆ 

ಖುಷಿಗೂ ಕಣ್ಣೀರಾಗುವ ವರವಿದೆ...