23 October, 2026

ಕಾಲಾಂತರ...

ಆದಿಯೊಂದಿಗೆ ಅಂತ್ಯವೂ 
ಅಂತ್ಯವೆಂಬುದು ಆರಂಭವೂ,
ಬದುಕ ನಡೆಸುವ ನಾಳೆಗೆ 
ನಿನ್ನೆಯೆಂಬುದು ಸ್ಫೂರ್ತಿಯೂ...

ಕಳೆದು ಹೋದುದ ನೆನೆಯುತಾ 
ಮನಸು ಮರುಗದೇ ಇರಲಾರದು,
ಕಳೆದುಕೊಂಡ ನೋವದು 
ಬದುಕ ಕಾಡದೇ ಬಿಡಲಾರದು...

ಆದಿ ಅಂತ್ಯದ ನಡುವಲಿ 
ನೂರು ಕನಸುಗಳ ಮರಣವೂ,
ನಿಲ್ಲದ ಕಾಲದ ಜೊತೆಯಲಿ 
ಇಲ್ಲದ ನಾಳೆಗಾಗಿ ಪಯಣವೂ...

ಬದುಕ ಜೊತೆಯಲಿ ಜಾತಕ 
ಸಾವಿನ ಜೊತೆಯಲಿ ಸೂತಕ,
ನಡೆಯುವುದೆಲ್ಲ ನಿತ್ಯ ನಿರಂತರ 
ಉಳಿದೆಲ್ಲವೂ ಕಾಲಾಂತರ...

No comments:

Post a Comment